SOCIEDADE ATLÉTICA DO TEGRA.

Estimados señores:

O pasado día 29 de setembro tiven o amargo pracer de disputar a media maratón organizada por vostedes, e como queira de notei certos detalles que creo que van contra do máis elemental espiritu deportivo permítanme facerlle-los saber, coa certeza de que colaborarei a mellorar esta que poderia ter sido unha magnífica carreira.
Comezarei dicindo que non se poden organizar eventos deportivos se non se conta con medios para elo. Se vostedes queren facer algo polo deporte busquen apoios económicos, ben sexa no comercio, no Concello ou na Federación, que dito sexa de
paso esta dirixada por un personaxe moi pouco competente. Se vostedes reparten un panfleto anunciando a carreira e facéndose notar coma unha organización seria teñen
que sufragar os gastos que esto conleva, non poden cobrarnos os afeizoados un diñeiro para pagarlle os que gañen a proba. Os atletas populares que somos os que o fin e o
cabo enchemos unha proba, non podemos ser tomados por idiotas. En calquera carreira que un participa: Santiago, Vig Bay, Ourense, Baiona, Ordenes, Viana do Castelo, en calquera delas digo, un polo menos ten auga ó chegar. Xa non comentamos nada das camisetas, gorras, medallas e demáis agasallos que nos dan, que non deixan de ser caralladiñas pero que deixan a un moi ledo. Un agarimo polo esforzo.
A finalidade última do deporte se é promovido por xentes con mentalidade deportiva, e non outra, debe orientarse a que practique deporte a inmensa maioria da poboación, que os rapaces e mozos se animen a practicar deporte e se afasten doutros temas que todos sabemos, non é tan importante que un duzia de corredores cheguen rapidiño que a eses xa non os hai que convencer. O que vostedes fixeron o outro día e negar completamente o espirito deportivo.
Se ese homiño que está na federación non lles da diñeiro para organizar a
carreira (non quero pensar que lle-lo da e gastano noutras cousas), polo menos que non teña a "jeta" de aparecer por ahí.
Cando o pasado día 29, despois de atoparme mal no transcurso da carreira,
logrei chegar a meta facendo denodado esforzo, caiume a aialma os pes cando comprobei que xa non queda nin auga para beber .
Xa me dacato de que a vostedes importanlle pouco os corredores populares, pero quen esta carta lles manda non pensa trasladarse xamais dende Vigo, nin para esta nin para a carreira de fin de ano a que leva acudindo dende fai sete ou oito anos.

Vigo, 25 de novembro de 2002

Carlos Carrera Carrera